كلمات اغنيه عبد الكريم الكابلي سكر سكر

سكر سكر
ساحر لونو اسمر
كل الشافو أنكر
غيرو يكون في سكر
سكر وحات عيني
سكر و اكتر
أحلى نغم في منظر
أول مرة يظهر
في أعماقنا فجر
ألوان من محاسنو
ظلال نغم في منظر
في واحات عيونو
رقيق أشواقنا فسّر
آمالنا في خطاهو
لامن جانا يخطر
و الخلانا نسهر
لونو العاجبو اسمر
أما وسط عيونو
وحاتو عسل تقطر
يوم لرموشو اشهر
لو ما الله قدر
كان من لحظو نعتر
و نقول يا ريتو كتر
و كل الشافو انكر
غيرو يكون في سكر
همسة لكل شاعر
في محبوبنا سطر
آيات من بيانو
من فنو المعبر
يا رب القوافي
يا الفنك مقدر
زيد أوصاف حبيبي
و قول خلينا نسكر
هو الحولو اجتمعنا
و بيهو ربيعنا أزهر
من حسنو و حلاتو
طريقنا الخالي نور
نشتاق لو يسالم
أو يوم تنكر
يكون دة دليل و ظاهر
مرة ببالو نخطر
خلى الدنيا انضر
طعم الدنيا سكر